Rebolizio

Á coté d'un río berde un muxón,

fendo rebolizio, garimbolía

con un plumache rico en ambrosía

que os pinos li meten de refrotón.

Luze en o papo un enquieto pipón

e bel crenchón puga que esbolastría

por alteras tallas, como un bexía,

canturriando a la tardi en un cantón.

Drento d'a selba tremola o silenzio

cuan s'amorta o grolleo moregón;

e os mormurios d'ibierno escan a luna.

Queda un recosiro blanco d'erenzio

que se torna ascape en duro crostón;

e o chiquín no atraza casa denguna.

«Á coté, al costado;

muxón, pajarico;

fendo rebolizio, formando revuelo;

garimbolía, corretea;

papo, buche;

pipón, pico de ave;

crenchón, crestón;

puga, provocador;

esbolastría, revolotea;

tallas, ramas;

bexía, vigía;

grolleo, trinado;

moregón, huidizo;

mormurios, murmullos;

ibierno, invierno;

escan a luna, buscan la (noche);

recosiro, añoranza;

d'erenzio, de herencia;

crostón, costrón;

no atraza, no compone;

casa denguna, su nido».

Ista afoto ye amprada d'o blog de Rafel Vidaller «chiretas de marisco» en

httpchiretademarisco.blogspot.com.es201207un-paxarel-en-o-chinco

O mon

L'arbesa en o mon,

de pinos ne fas

muitos, a muntón.

A tasca en o mon,

de primabera

ne has flos de colós.

A selba en o mon,

un paxarico

en aquer camón.

A ralla en o mon,

con bel xabalín

ne chintarás pro.

A tuca en o mon,

no'n retarten as nieus

ni beta ni pon.

«Mon, monte;

arbesa, monte bajo acotado;

ne fas muitos, haces muchos (de ellos);

tasca, pradera;

de primabera, durante la primavera;

ne has flos, tienes muchas flores;

colós, colores;

selba, bosque;

camón, claro en el bosque;

ralla, cresta;

xabalín, jabalí;

ne chintarás pro, comerás (de él) abundantemente;

tuca, cumbre;

no'n retarten, no rechistan (inde, de allí);

as nieus, las nieves;

ni beta ni pon, ni pizca ni nada».

Crebanto

Ta l'arbolera se'n baxa una güela

do barzían muxons de maitinada;

ta l'arbolera con carga que amuela

carriando en un balde toda a colada.

Dos nirnas li siguen como a una estrela

con chuegos, chanzas e bella mazada;

a güela sonrigue entre muela e muela

si abrán corada cuan plegue a esfugada.

Xagua e aguachina en a gorga clara

ropa menuta, peducos e almada,

linzuelos de lino que pesan tanto.

As nirnas tornan carraña en a cara.

¡Quiénto en ye, yaya, a ropa de pesada!

Sí, caldrá que la puyez con crebanto.

«Crebanto, quebranto;

ta l'arbolera, hacia la arboleda;

barzían, zarcean;

muxons, pajaritos;

que amuela, que fastidia;

carriando un balde, trasportando un cubo;

nirnas, niñas;

mazada, ocurrencia;

si abrán, si tendrán;

corada, entrañas;

esfugada; esfuerzo;

xagua, enjuaga;

aguachina, remoja;

gorga, remanso;

linzuelos, sábanas;

tornan carraña, vuelven con disgusto;

quiénto en ye, cómo está (de ello, ponderativo);

caldrá que la puyez, tendréis que subirla».